Byggetråd, Turner Sultan 29er

Dei siste to vekene har eg spekulert veldig på å kjøpe stisykkel, og eg var etterkvart meir og meir klar for ein 2014 Canyon Nerve eller Spectral.

Men i kveld kom eg over ein 2008-modell Turner Sultan 29er ramme på eBay til berre kr 4000 inkludert bakdempar og frakt (men eks. mva.). Det syntes eg berre eg måtte slå til på. Enten er vel dette eit kupp, eller så er det katta i sekken. Men ramma ser temmeleg strøken ut, så eg har trua på det fyrste.

Dei to siste syklane mine var også byggeprosjekt med rammer frå eBay, så dette er tydelegvis måten eg likar å gjere det på.

Det eg trur kjem til å skje no, er at eg flyttar over alle delane frå min gamle 29er HT, berre for å ha eit syklebart utgangspunkt som eg så kan oppgradere steg for steg. Det er ein del low-end delar på den, ettersom den allereie har blitt plyndra ein gong, til mitt 26er grusracer-byggeprosjekt. Så det blir behov for fleire innkjøp. Har i alle fall lyst på ein 120mm Fox gaffel, ein ny krank og ein heve/senke-pinne.

Men no ventar eg i spenning på ny ramme.

Då har eg vore på eBay og handla ein ny gaffel også. Denne gongen vart det ikkje ein brukt del, men ein flunkande ny 2014-modell Fox Float 29 120mm CTD med 15 QR axle. Den kosta meir enn ramma.

Eg har passa på å kjøpe ein gaffel utan tapered styrerør, så eg trur dette skulle bli riktig.

Det vil seie at eg no treng eit 29er hjulsett der bakhjulet har ordinær QR (det har eg frå før) og framhjulet har 15mm nav (det har eg ikkje).

No har eg også funne ein rimeleg, men ny, SRAM X7 2x10 krank på eBay.

Eg har vurdert det slik at eg treng ei utveksling på 22:28 på min 26er for å kome opp Driftsvegen i Bymarka i Trondheim. Med ein 11-36 kassett på ein 29er skulle eg då behøve 26T som minste krankdrev. Samtidig vil eg også gjerne at det andre krankdrevet er nokså stort. Så SRAM 39/26 høyrest hakket betre ut enn Shimano 38/26.

Tror 38 vil holde, det går unna det. Mener 30 eller 32 foran med 36 bak kan holde opp Driftsveien. Er det ikke taper på Sultan? 32 eller 34 gaffel?

Eg har allereie bestilt kranken, så det blir 39. Når det gjeld Driftsvegen, så er dei verste kneikene på 19%, og eg noterte meg i forbindelse med Blodslitet denne veka at eg treng det nest største drevet på kassetten, dvs. 28T. Rekna om frå 26 til 29 i hjuldimensjon skulle bety at 26:36 blir akkurat littegranne tyngre.


Så vidt eg har forstått fekk den det i 2010, men mi ramme er frå 2008.


Den er 32.

Ingen fare for at dette er tapered ramme! 2008 blir for tidlig for den slags.
Men: bilder!!!!

Morsomt prosjekt, blir artig følge med (forutsetter bilder). Potensiell stimaskin:-)

Her:

Hadde sikkert vore fint med 34, men eg ser at Fox berre har det ved 140mm eller lengre gaffel. I og med at vandringa bak på denne ramma berre er 100mm tenkte eg det var best å ikkje gå over 120mm på gaffelen.

Grattis! Kjører DW Sultan selv, med 140mm i front. Tror nok 140 er for mye for denne Sultanen ja.

OK, godt å vite at eg er på rett spor!

Ein del til er bestilt:

Og til bakgiret ser eg for meg denne:

Er det 100m bak på 2008 modellen? Det visste jeg ikke. Jeg har en 2010 modell og den har 120mm bak men jeg kjenner ikke så godt til modellene før. Er dette siste generasjon før DW-linken kom til Sultan? Mener Sultan tok i bruk DW fra 2009 og ut men mulig det var 2008...

Uansett, 140mm er nok i meste laget ja. 140 skal være på grensen av hva min skal tåle (selv om jeg sikler veldig etter litt mer vandring foran) og har derfor planer om å lure StigB til å selge enka si da han aldri bruker den allikevel :-)

Gleder meg til å se denne utvikle seg. Komponentvalg hittil ser allerede meget solid ut. Velkommen i klubben!

Ja, det stemmer, og det er sikkert hovudgrunnen til at han som selte den ikkje forlanga meir for ramma.


Takk for det :-)

Ingen av delane har kome enno, men eg har sporing på at ramma har forlatt USA, så både den og andre saker dukkar nok opp snart.

Eg har tenkt litt på hjul, og funne ut at eg har lyst til å kjøpe eit sett Stan's ZTR Arch EX 29 med Stan's 3.30 nav. Prisen er i overkant av 3000. Finst det nokon grunn til at eg ikkje burde gå for desse?

Den opprinnelege planen om å bruke mange delar frå mine to hardtails innser eg blir meir og meir irrelevant :-)

Jeg har Arch, riktignok 26", som jeg har brukt to sesonger nå. Har egentlig ingenting å utsette. Helt greie hjul til fin pris.

Flotte allroundhjul for pengene, det, bare du passer på å ligge i forkant med vedlikehold/bytte av boss/lagre når det måtte bli nødvendig. Dersom du har tenkt å sykle litt grovere sti, kunne det kanskje være en tanke å se på Flow EX også, men den vurderingen er det du og bruksområdet av sykkelen som må avgjøre.

Angåande Arch vs Flow, så tenkte eg som så at med 120/100 mm demping så høyrer sykkelen heime i kategorien "lett stisykkel", slik at Arch burde vere mest naturleg. Dessutan er eg ikkje så hard-core utfor at eg trur Arch blir for spinkelt for meg.

Eg har funne ut korleis eg kan gjenbruke delar frå mine gamle syklar. Eg fann nemleg ut at det var tøvete av meg å dvele ved om eg skulle kjøpe hjulsett med Hope Pro nav eller noko enklare, når eg allereie har Hope Pro nav på min 26er HT. Så eg har bestilt berre felgane:

Det betyr altså at eg må bygge hjul, men det har eg gjort med hell fleire gongar før, så eg ser ikkje mørkt på det. Ei lita utfordringa er at Hope-nava mine er straight pull, og det er det ikkje så mange eikekalkulatorar som støttar. Men DT Swiss sin gjer det, og mine 26er eiker stemmer eksakt med kalkulatoren dersom eg veljer 0 mm i spoke hole offset på den. Med ein Arch EX 29 skulle eikelengda då bli 300 mm, så eg satsar på det. Eg ser at Bike24 har best pris på slike, berre € 0,85 for DT Comp.

Forøvrig har ramma forlatt Oslo og er kanskje hos meg i morgon.

Og no har eg bestilt bakgir, kassett, kjede, girskiftarar, girwire, eiker og niplar, og med det eg elles finn i garasjen og på mine gamle syklar så trur eg jammen det skulle bli nok til å få bygd opp ein køyrbar sykkel.

Ramma er i Trondheim. Eg kan nok hente den i morgon. Det blir moro.

Det viste seg at då eg skreiv dette var ramma allereie klar til henting på min lokale post i butikk. Så fort eg oppdaga det dro eg naturlegvis for å hente pakken.



Ramma er akkurat i så god stand som eBay-bileta antyder. Bortsett frå gnissemerke etter kablar, og veldig beskjedne kloremerke etter chainsuck på bakramma, så ser ramma nesten ubrukt ut. Men mange av boltane ser ut som om dei har vore brukt på ein oljeplattform i Nordsjøen. Men det kan eg leve med.

Fekk forresten også melding i går om at gaffelen min var sendt. 13 dagar etter at eg bestilte den! Får håpe postgangen går kjapt, då.

No har det så smått begynt å ramle inn litt delar:




Elles har eg vore i garasjen og funne eit styrelager som eg har hatt liggande lenge, men som aldri har blitt brukt. Fargen matchar vel ikkje, akkurat, men det er eg ikkje så nøye på i denne omgang. Det får heller kome opp til vurdering etter at sykkelen er ferdig. Styrelagerpressa fekk eg forøvrig billig på Obs Bygg, og den fungerte veldig bra!

Kult prosjekt! Genial styrelagerpresse!

Takk for det.

Prosjektets fyrste tabbe har no openbart seg. At eg hadde bestilt eit kranksett med Pressfit-lager var eg for så vidt klar over, men eg antok at det berre var ein eller annan løysing for integrert krank og lager. At det var snakk om eit system som krev ein heilt annan diameter på krankhuset enn dei gode, gamle gjenga krankhusa som eg utelukkande har vore eksponert for til no, det kom uventa. Pressfit 30 krev 46 mm krankhus, ikkje ca. 33 mm, som eg har.

Vel, det betyr ny bestilling av kranksett, og eit ubrukt Pressfit-sett til sals her på forumet.

Du trenger vel kun nytt kranklager.

Det hadde vore fint, men akslingen på dette kranksettet er også tjukkare, og det står Pressfit 30 og BB-30 på den. Det står sikkert GXP på den eg eigentleg må ha.

Stemmer.

Pressfit er ikke BB30 spesifikt, det fåes også til GXP-kranker/rammer.

Denne tillater bruk av BB30 krank på en BSA-ramme som du har.

Adapteret fungerer i utgangspunktet kun på Rotors egen 3D+ krank. En BB30-krank har kortere aksling enn en "standard" krank, og med 68/73 mm krankhus på Turneren i tillegg til rotoradapteret vil akslingen på BB30 kranken sannsynligvis ikke være lang nok.

Og med tanke på at adapteret vil koste minst 500 kroner, så er det like greit å kjøpe nytt kranksett og forsøke å selje det andre. Og det har eg allereie gjort. I alle fall kjøpe nytt. Om eg ikkje får selt, ligg det vel an til at neste byggeprosjekt om ein 3 års tid blir med Pressfit :-)

Og så eit obligatorisk bilete av dagens post:



For dei som skulle lure på det, så er dette 15mm-adapter til det gamle framnavet mitt. Den delen som skal inn i navet har syltynne veggar, så vekta på desse er berre 9 gram per stykk.

Den ramma hadde flott farge. Du blir garantert happy med Turneren.